ROLLING STONES (I can't get no satisfaction) eta SOKRATIKOen AHOLKUAK

Sokrates eta jarraitzaileak ondo bizitzeko bideei buruz mintatu ziren.

Ekarpen asko egin zituzten, horregatik ideien multzo horri "TRADIZIO SOKRATIKOA" deitzen diogu.

Ondo bizitzeko aholkuak direla eta, guztiek onartu zituzten hurrengo ideiak:

1.- Gizakiok gure burua ezagut dezakegu. Gure arrazoimena erabil dezakegu, balioak, ideiak eta sinesmenak aztertzeko.

2.- Gizakiok gure burua aldatzeko gaitasuna dugu. Arrazoimena erabiltzen dugu  gure sinesmenak aldatzeko. Honek gure emozioak aldaraziko ditu; emozioek gure sinesmenei jarraitzen diete eta.

3.- Gizakiok zabal ditzakegu bide berriak pentsatzeko, sentitzeko eta jokatzeko.

"Philosophy for life and other dangerous situations", Jules Evans.London.2012

Sokratesek balioak arrazionalizatu zituen ( batez ere etika-balioak eta legeekiko begirunea).

Bere ustez, gizabanakoaren baitan, balioak ditugu, eta uneoro nola jokatu behar dugun adierazten digun barneko "ahotsa" dugu.

Horregatik, gogobetetzea lortzen ez badugu, balio horiek berrikustea gomendatzen

digu, eta baikor azaltzen da giza arrazoimenaren indarrari dagokionez.

(Zentzu honetan ekarri nahi dut nire gustokoa den esaldi bat:

"LA FUERZA NO PROVIENE DE LA CAPACIDAD FÍSICA, SINO DE LA VOLUNTAD INDOMABLE"

Indira Ghandi ( 1917-1984)



Gaur ekarri dudan musika-taldea ROLLING STONES da. Ez du aurkespenik behar.
Rock talde ingelesa hau, denok dakigunez,Londonen hasi zen 1962an.

Pop musikaren aurrean, talde honek jatorri tradizionaletan oinarritu zen, rhythm and blues eta soul, esate baterako.

Robert Palmer, musikologoaren arabera, pop musika efimeroagoa da, joan eta etorri egiten da eta.

"I can´t get no satisfaction" abestia Mick Jagger-ek eta Keith Richards-ek, egin zuten. Edukiaren aldetik, haien belaunaldien inkonformismoarekin bat egin nahi zuten. Abesti honetan, haiek egin zuten hirugarren Americako  bira-n, ikusitako  kapitalismo basatia salatu nahi zuten.

Abestia, garai horretako nerabe zapustu baten erretratua da. Bere frustrazioa, belaunaldiaren frustrazioa da. Batera, ahapaldi batzuk oso erotikoak dira.

Hona hemen, rock musikaren onenetariko abesti bat. I CAN'T GET NO SATISFACTION.

Beharbada, Sokratikoek lagundu ahal diote abestiaren pertsonaiari.

<

SOKRATES: HERIOTZA ZIGORRA. ZER DA JUSTIZIA? METALLICA

SOKRATES, Atenas, 470-399.

Sokratesek ez zuen ezer idatzi. Berari buruz dakigun guztia, Platonen testuen bidez ailegatu zaigu.

399. urtean, hiru hiritarrek Sokratesen aurka salaketa bat jarri zuten, hiru delitu hauek leporatuta:

1. Hiriko jainko-jainkosei begirunerik ez izatea

2. Beste jainko-jainkosa batzuk gurtzea

3. Gazteak galbidera eramatea.

Herriko asambladak errudun kontsideratu zuen eta heriotza zigorra ezarri zion.

Horrela, ikasle eta lagunak bildu zituen eta pozoia( zikuta) hartu eta gero, haiekin egon zen hizketan hil arte.

Sokratesen ustez, filosofia hirian ongi bizitzeko artea zen. Filosofoaren papera ondo bizitzeko arte hori irakastea baino ez da, baina ez teoriak azalduz, filosofatzen irakatsiz baizik.

Sokrates inkonformista bat izan zen.

Atenaseko kaleetatik ibiltzen zen, gizakiei galdetzen "bizitzaren zentzuaz, justiziaz, maitasunaz..."

Bere ustez, gure ideiak bilatu behar ditugu "artaldean" ez bizitzeko.

"EZAGUT EZAZU ZURE BURUA" aldarrikatu zuen.

Horretarako lehen  urratsa, gure ezjakintasuna onartzea da..

Askotan nahiago dugu "artaldean bizi" edo norbaiti jarraitzea, haiek jakintsuak direlakoan gaudelako.

Horregatik batzuek autoriteek eta politikoek esaten dutena betetzen dute, inolako kritikarik egin gabe

Une horretan," ardiak" bihurtzen gara. ( Alain de Botton Las consolaciones de la filosofía)

Sokratesen heriotza ikusita, gogoeta egin behar dugu:

ZER LOTURA DUTE GIZABANAKOAK, GIZARTEA ETA LEGEEK?

ZER DA JUSTIZIA?

NORK EZARTZEN DITU LEGEAK? ZEREN ARABERA?

Gaur, justiziaren gaia dela eta METALLICA taldea eta " Justice for all" abestia ekarri dizuet. Hitzak ez dauka galtzerik.

1981. urtean  EEUUetako heavy metal musika taldea da. "Justice for all" album-enean letrek gizarte kritika eta politikari erreferentzia egiten diote.

Hitza:

Salas de justicia pintadas de verde
Conversaciones de dinero
Los lobos de poder asedian en tu puerta
Escúchalos como acechan
Pronto complacerás su apetito
Ellos devoran
El martillo de la justicia te aplasta
Te vence

Lo último en vanidad
explotando su supremacía
No puedo creer las cosas que dices
No puedo creer
No puedo creer el precio que pagas
Nadie te puede salvar
Estribillo:
La justicia está perdida, la justicia ha sido violada
La justicia se ha ido, tirando de sus cuerdas
La justicia está acabada
Buscando ninguna verdad, ganar es todo,
Lo encuentro muy terrible muy cierto, muy real
La apatía es su tranpolín
Tan insensible
Animosidadmuy escondida
Tan engañosa
Através de tus ojos arde su luz
Esperando encontrar
La inquisición, hundiéndote
Con mentes que espían
La dama de la justicia ha sido violada
Asesino verdadero
Rollos de cinta rija sellan tus labios
Ahora estás hecho
El dinero de ellos inclina la balanza otra vez
Haz tu trato
¿Qué es verdad? No lo sé





MONTAIGNE: GUTXIAGOTASUN- KONPLEXUAK

Michael Eyquem de Montaigne, ( 1533-1592), frantziar Errenazimentuko idazle, filosofo, moralista eta politikaria izan zen.

Idazlanik garrantzitsuenak ENTSEGUAK ( ESSAIS), izan zen.

Montaignek gizakia aztertu zuen.

Bere ustez, "gizatiarra ez den gizakirik ez dago":

" Buscamos otras condiciones porque no comprendemos el uso de las nuestras, y salimos fuera de nosotros mismos porque no sabemos cómo es lo de dentro. Sin embargo, no tiene sentido que nos subamos en unos zancos, porque aunque llevemos zancos, tenemos que andar con nuestras propias piernas. Y hasta en el trono más elevado del mundo, nos tenemos que sentar con nuestro propio culo"

Sarah Bakewell

Cómo vivir, o Una vida con Montaigne .Barcelona, Ariel ( 2011)

Beste aholku batzuk  ere, interesgarriak izan ziren:

- Zergatik kezkatuko naiz nire kontrolpean ez dagoen gaiaz?

-Ziurtasun bakarra... ziurtasunik ez dagoela.

-Besteak baino hobeak garela uztea....gure burua engainatzeko bide bat da.

- Ausart zaitez inoren menpe bizitzera.

Montaignek gutxiagotasun-konplexuak aztertu eta sailkatu zituen:

1.- Gorputzarekin zerikusia daukatenak ( itsusiak garela ustea)

2.- Besteen iritziekin lotuta daudenak, ( besteek gutaz iritzi txarra daukatela ustea)

3.- Adimen-gutxiko konplexua, ( azkarrak ez garela ustea)

Montaignek, konplexu horien aurrean, ez makurtzeko animatzen gaitu.

Bere ustez, besteen aurrean puzkerra botatzeaK, txerri-muturrak jateak, edo irakurtzea ez gustatzeak, ez du gizakia makurarazi behar.

Hainbat filosofoek kanpoan utzi dituzten gaiak, Montaignek aztertzen ditu, gizonezko zakila-ren gaia, adibidez.

" Cada uno de mis miembros, en la misma medida, me hacen ser quien soy y ninguno define más mi masculinidad que mi pene"

Ez zuen inolako trabarik hitz egiteko bere inpotentziaz edo zakilaren tamainaz.

Nire aldetik, onartzen dut Montaigneren aholkua:

" Konplexurik gabe bizitzea"

Gai hau ironiaz tratatuko dut. Horretarako JAVIER KRAHEren abesti bat ekarri dut

UN BURDO RUMOR

Oso dibertigarria da. (Gehiago jakiteko Krahez, irakurri Giordano Brunoren sarrera)



NIETZSCHE: JAINKOA HIL DA

1844. urtean jaio zen Rockenen, Alemania.

Bizitza trajikoa izan zen.1889. urtean, 44 urte zituela, nerbio-sistemaren kolapso bat izan zuen. Honez gero, bere adimen gaitasunak galdu zituen erabat, eta familiaren zaintzapean bizi zituen azkenengo hamaika urteak.

Nietzsche bitalista da.  BIZITZA maite du. Horregatik bizitza hau, ( mundu honetakoa), askatu nahi du balio  faltsuetatik (metafisika eta erlijio guztien balio dekadenteetatik).

.

Bere ustez, bizitza ezin da ezagutu bakar bakarrik kategoria arrazionalaren bitartez. Sena, grina, afektua, 

 intuizioa eta irudimena beharrezkoak dira.

Nietzschek, begi aurrean agertzen den mundu hau, besterik ez dela dio, eta betierekotasunaren ideia ukatzen du.
Ondorioz, Jainkoaren ideia  bizitza honen kontrakoa litzateke, erlijioek gizakiaren ardatza, heriotza eta geroko bizitza batean jartzen dute eta.
Hori dela eta, Jainkoaren ideia ametsezkoa hartzen du Nietzschek.


Emaitza  JAINKOAREN HERIOTZAren BEHARRA da.

Beraz, nondik dator behar hori?

Erlijio guztien desagerpenaren beharretik.

Eta erlijioak nondik sortzen dira?

Erlijioak sortzen dira heriotzaren  beldurretik.

Gizakiak jakin badaki hilkorra dela eta heriotzari beldurra dio.

Honen aurrean, erlijioek bizitza hilezkor, betierekoa, eternoa, badagoela hitz ematen dute.

Kontsolamenduzko hilezkortasuna..

Ezerezean amilduko dela jakiterakoan, gizakiak sentitzen duen larrimina eta ezintasuna lasaitu, baretu egiten ditu.

Nietzscheren ahoan:

"Kristautasunaren moralari mozorroa kendu izana da gizadiarengandik bereizten nauena... Neuk antzeman dut engainua... kristautasunaren aurrean itsu egotea da denik eta krimenik gailenena: bizitzaren beraren kontrako krimena" ( Ecce Homo)

Erlijioak balio dekadenteak proposatzen ditu. Artaldearen balioak eta esklaboenak: umiltasuna, mendekotasuna, obedientzia, sakrifizioa. Guztiak bizitzaren senaren aurkakoak: bekatua, errua, damutasuna eta penitentzia.

JAINKOAREN HERIOTZA gizakiaren erabateko garapenaren ateak zabaltzen ditu, bere indar sortzaileak hedatzeko.

Hemendik aurrera, gizakia  "zeruko" mundura jo beharrean, honako mundu honetara bizitzen saiatuko da.

Jainkoa hiltzen bada, nork hartuko du bere lekua?

GIZAKIAK BERAK har dezake Jainkoak uzten duen lekua.

Benetan, Nietzsche dinamita da:

 "Ni ez naiz gizakia, ni dinamita naiz. Horrenbestez, ez duzue nigan erlijio sortzailerik aurkituko, izan ere, herri xehearen bazka baitira erlijioak. Eskuak garbitu behar ditut elizgizonekin egon naizen aldi oro... ez dut sineslerik nahi, nigan sinesteko ere maltzurregia naizela uste dut. Ez dut profeta izateko gogorik... Santutasun oro baztertzen dut; nahiago nuke pailazotzat hartuko banindute... akaso pailazo bat naiz" F. Nietzsche. (Ecce Homo)

Gaur PiLT taldearen abestia ekarri dizuet. "HIL DA JAINKOA". Hitza irakurri, Nietzscheren filosofia hutsa da eta.

"Hil da Jainkoa", PiLT  euskal metal musika taldearen abestia da. 1996an konponsatu zuten.

HITZA:

Gizakia pentsatzen hasi zenetik

asmatu behar izan zuen zerbait azaltzeko

zergatik zuen galdetzeko gaitasuna,

azken batean zargatiaren zergatia.

Sinestu ezinik zebilen norbaitek nahi gabe

begiak izterakoan bide ezezagun baten

amaieran zegoela...berarekin hil zen amatsa.

Hori bai asmakuntza ona

une latzak ahaztu arazten dizkidana.

Betikotasunaren bila luze hori

botoia off-en jarri eta amaitua dago.

Hezitu egin gaituzte begi honen pean

Ona eta txarraren patroia inposatuz,

baina botoia off-en jarri bezain pronto,

ez onik ez txarrik...hil da jainkoa!!

Egia da zerbait behar dugula

zalantzaren etekina garestia delako.

Galdera honen erantzuna nik ez dakit

nahiz eta piloa asmatzeko kapaza izan.

Argi daukadana honako hau da:

heriotzaren mamuarekin manipulatu gaituztela

ta manipulazioa gorrotatzen dut.

Horregatik ...hil da jainkoa!!

BIKAINA !

Hala ere, ekarri nahi dut honetara, niretzat ezin hobea den La polla records  "SALVE" abestia:

Amaitzeko, neu ateoa naizenez, gaur egungo bi filosofoak gomendatu nahi dizkizuet:

 Frantzia, 2005

Onfray filosofoari egindako lkarrizketa interesgarri bat:

http://www.sindioses.org/simpleateismo/onfray.html

Oxford, 2006.

Dawkins. Zientzia zabalzailea.

Oso erreportaia interesgarriak egin ditu: "El virus de la fe".Ikusi zati bat:

http://youtu.be/ecXYTGox7HY

MICHAEL FOUCAULT eta BOTEREA: KORTATU

Michael Foucault, ( Poitiers, 1926- Paris, 1984)

Botereaz idatzi zuen.

Bere ustez, botereak gizakia menperatzen du, eta nahi duen egia inposatzen du, komunikabideei esker.

Arrazionala, kontrolatzailea, behatzailea, eta zapaltzailea da. Dituen bideak direla eta, gizakiok kontrol hori barneratzen eta onartzen dugu.

Botereak, disziplinaren bitartez, gizaki mantsoak moldatzen ditu.

Lan honetarako instituzioen laguntza dauka:

 Manikomioa

 Kartzela

 Eskola ( disziplina autoritarioa)

Lantegiak

Zehazki, KARTZELA oso ondo aztertu zuen "Behatu eta zigortu" lanean, ( Vigilar y castigar, nacimiento de la prisión, 1972, siglo XXI)

Bere ustez, XIX eta XX mendeetan, hasieran Frantzian, gero hainbeste lekutan, kartzelak nola eraiki eta presoak behatzeko estrategiak garatu zituzten. Helburua zen, gizartearen arlo guztietan zabaltzea.

Adibide bat:

 Kartzelaren egitura PANOPTIKOA:

Zer da egitura panoptikoa?

Dorre bat, erdian, nondik ziega guztiak ikusten diren.

Funtzionarioak ziega eta preso guztiak behatzen ditu, baina presoak ez du funtzionarioa  ikusten, eta ez daki  une konkretu batean berari begira dagoen ala ez.

Azkenean, barneratzen du "begirada" hori, eta guztiz kontrolatuta dagoela onartzen du.
Ondorioz, nahiz eta funtzionariorik ez egon, presoak behaturik sentitzen dira.

Barneratze hori ( KONTROLA) gizarte osoan zabalduta dago, eta onartzen dugunean, gure askatasuna galtzeaz gain, boterearen jokuan parte hartzen dugu.

HONEN AURREAN, ZERBAIT PROPOSATU ZUEN?

 Bai. Alde batetik, uko egitea besteei disziplina inposatzeari, eroetxe, kartzela, lantegi edo eskolen bitartez. Bestalde, indibidualki eta libreki onartuak izan diren printzipioen arabera bizitzea.

Honekin lotuta,  oso pertsonaia  interesgarria ekarri dizuet, JOSEBA SARRIONAINDIA.

Ezagutuko duzue olerki, narrazio eta eleberri batzuk idatzi ditu eta. Sarrionaindia 1985ean, kartzelatik ihes egin zuen, eta ordutik klandestinitatean bizi da. 2011an Euskadi literatur saria saiakeraren arloan " jaso zuen" , Moroak gara behelaino artean? lanarekin.

Esan dezakegu Sarrionaindiak "Panoptikoaren gainetik pasatu zuela".

San Fermin egunean, Martuteneko espetxearen barruan Imanol kantariak emandako kontzertu baten aukera baliatuz, Iñaki Pikabea presoarekin batera, bozgorailu batean ihes egin zuen.

Gertaera haren omenez KORTATU taldeak "SARRI; SARRI", kanta ospetsua egin zuen.

 

ARDOA ETA FILOSOFIA

"EGIA ARDOAN DAGO"

Mundu helenikoan, ARDOA eta ZIBILIZAZIOA  batu ziren.

Filosofoek, hainbat bileretan, ardoa edaten zuten.

Are gehiago,esan dezakegu ardoa edateak filosofia moralaren jaiotzari lagundu ziola.

NOLA?

Neurritasunaren gaia planteatzen.

Ardoa edatea, argitsua eta plazer handikoa izan daiteke, baina filosofoak kezkatuta zeuden gehiegi edatearekin.
Filosofia moralean "gure burua menderatzea" oso garrantzitsua izan baita.

Filosofia moralaren ideiak:

1.- "Ezagut ezazu zure burua"

2.- "Dena neurritasunean"

Honen arabera, ardoa edatea ona da, gehiegi edatea txarra.

Neurritasunaren ideia eremu guztietara eraman zuten filosofoek, etikaren oinarri bat bihurtuz.

Eta zein da neurria?

Platon "Legeak" lanean deskribatzen du:

"18 urte baino lehen hobe ez edatea, adin horretako izaera dela eta. Gero, 40 urte bete arte, ona da edatea neurrian, mozkortu gabe, burua ez galtzeko. 40 urte eta gero ardoa farmakoa bihurtzen da, gaztetu egiten gaitu eta".

Ardoa, Dioniso jainkoarekin, musikarekin eta antzerkiarekin identifikatzen zen.

Gaur, musika eta ardoa dela eta, oso abesti polita ekarri dizuet.

 Neil Diamond-ena "RED;RED WINE"

Askotan ardoak, laguntzen gaitu bihotza alaitzen, eta desamodioak gainditzen

 ( Kontuz, neurriarekin, ja,ja...)

EPIKURO ETA HERIOTZA: PINK FLOYD

Epikuro. Antzinako Greziako filosofoa ( Samos, K.a.341-Atenas,K.a 270)

Zeri buruz hausnartu zuen?

Zoriontasuna zerk sortarazten duenari buruz.

Horretarako aholkatzen digu praktikatzea gauza batzuk:

1.- Jainko-jainkosaen beldurra ez izatea. Haiek zorionekoak dira, eta ez dute inolako interesik gure bizitzan.

2.- Heriotzaren beldurra ez izatea. Bizirik gauden bitartean, ez dago, eta heriotza dagoenean, orduan ez gaude gu.

3.- Plazera lortzea.

4.- Sufrimendua ezabatzea

Bestalde, bizimoduan, adiskidetasuna zela ondasunen artean handiena zioen.

Heriotzari buruz:

" Heriotzak ez dauka gurekin harremanik; hain zuzen ere, gu bizi garen bitartean, ez baitago heriotzarik, eta heriotza iristen den unean, gu jadanik, ez gara bizi. Beraz, heriotzak ez du harremanik, ez bizidunekin, iritzi ez delako, ezta hildakoekin ere, jadanik ez direlako"

 Gaur ekarri dut PINK FLOYDen abesti bat.( Pink Floyd aurkeztu dut Platonen sarreran).

 " The great gig in the sky" abestian heriotzaz abesten dute.

Batzuk esaten dute "heriotzaren metafora dela abesti osoa".

"The Dark Side of the Moon" albumarena da . 1973 urtekoa.

Diskoa, rock sinfonikoa da, eta iraultza teknikoa izan zen.

Hitza eskasa da baina oso" epikureoa".

Idatzita daukazue hitza. Hala ere, ez galdu soinua, batez ere, emakumearen ahotsa.

Hitza:

No tengo miedo a morir.

En cualquier momento sucederá.

No me importa.

¿Por qué tendría que tenerle miedo a morir?

No hay razón para ello, te tienes que ir alguna vez.

Nunca dije que tuviera miedo a morir

ZINISMOA eta LA POLLA RECORDS

Diogenes Sinopekoa, ZINIKOA. (412-323, K.a.)

Upel batean bizi zen. Bere filosofiaren oinarriak gizarteko lege  eta ohituren hipokrisiak salatzea , eta askatasun ideiak zabaltzea ziren.

Diogenes, egunez kriseilu bat eramaten zuen gizabanako baten bila, baina alferrik.

Hark zioenez, jende asko zegoen, baina gizakirik ez.

Zinikoei “zakurrak” deitzen zieten., beren bizimodua  zakurrenarekin  lotzen zuten eta.

Zergatik?  Gizakien harrokeria gorrotatzen baitzuten .

Adibideak:

-Publikoki  masturbatzen zen ,  eta behin,  jende-aurrean masturbatzea onartzen ez zuen bati erantzun zion : “gura hori asetzea oso atsegina eta merkea da, eta mundua ondo egina balego, sabela igurtziz ase beharko genuke janari gosea.”

-Alexandro Handia hurbildu zitzaion behin, eta galdetu zion ea zer nahi zuen, edozer emango ziola; Diogenesek, orduan, honela erantzun zion: “Paretik ken zaitezen nahi dut, eguzkia ezkutatzen didazu eta”.

- Aberats batek, behin,gonbidatu zuen bere etxera afaltzera, baina Diogenesek  txistua bota zion  eta  ez zitzaiola asmatzen lekurik zikinena joateko erantzun zion
Zinikoek gizarteko balioak ukatzen dituzte.

BADA GAUR EGUN ZINISMORAKO GARAIA?
GIZARTEKO HIPOKRESIA UKATU NAHI DUGU?

Ausartuko naiz lotzera DIOGENES ZINIKOA, LA POLLA RECORDS punk taldea esaten duenarekin

LA POLLA RECORDS  Agurainen 1971an sortutako punk musika taldea izan zen.Haren jarrera matxinoa ikur bihurtu zen, ez baitzuten inolako arazorik gustoko ez zutena salatzeko, gehienetan, gainera, modu barregarrian eta zuzenean. Hala ere, oztopo asko ipini zizkieten: mehatxuak, atxiloketak, sabotajeak emanaldietan...
Talde honen jarrera nahiko zinikoa da, zentzu filosofikoan, hau da, gizarteko hipokresia salatzen dute.

Ekarri dudan abestia:
¡ ELLOS DICEN MIERDA, NOSOTROS AMEN!

SCHOPENHAUER eta JAM SESSION

Arthur Schopenhauer, filosofo alemandarra, ( 1788-1860).

Pesimismoaren filosofoa da. 

 Bere ustez,mundu hau bada mundu posibleen arteko mundurik txarrena. 

Bizirik irautea da gure helburu bakarra.

Zergatik dugu helburu bizirik irautea?

Biziak bizi egin nahi du eta.

Honen aurrean, ARTEaren bidez askapena lortzen da, 

nahiz eta  denborazkoa eta partziala  izan.
Bizitzarentzat lasaigarri bat da.

ARTE mota guztien artean MUSIKA berezia da. Musikak hizkuntzaren mugak gainditzen ditu.

Bere ustez, melodia bat gizabanakoen barneko esentziatik ateratzen da.

 Musika bizitza eramangarriagoa egiten du.

Zer moduz  gaur Schopenhauer-ekin jam session bat kompartitzen badugu?

Zer da jam session bat?

Musikari batzuk biltzen dira musika jotzeko,( gehienetan jazz, blues, rock), prestatu barik. 

Bat- bateko saio hauen helburua disfrutatzea da, edo Schopenhauer-en hitzak erabiltzeko

 "ametsezko etenaldi labur bat izatea"

Hurrengo you tube-n, oso musikari handiak entzungo ditugu : John Lee Hooker,( aurkeztu dugu Aristotelesen sarreran), Rolling Stones eta Eric Clapton.

Ez dago hitzik. Gozatu!

Gustatu zaizue?

Ba ez dut amaitu. "The giants of rock and roll" kontzertuaren amaiera entzun dut ... eta ezin izan diot jartzeari eutsi. PASADA BAT DA!

Musikariak: Bo Diddley, Little Richard, Jerry Lewis, B.B. King, Ray Charles, Fats Domino, James Brown.... GUZTIAK BATERA...

HEDONISMO LIBERTARIO eta THE CLASH

Antifon (K.a  V mendea). Filosofo materialista, (atomista), eta hedonista izan zen.

Legeen etsaia amorratua izan zen.

Ez zuen onartzen Auzitegiaren justizia. Bere ustez, auzitegietan inoiz ez da  zabaltzen egia, baizik eta diskurtsorik trebeena.

  Gizartearen kontra jotzen du, gizabanakoaren askatasunaren defentsan.

 Bere ustez, gizarteak gizaki moldagarriak egiten ditu kontrolpean izateko,legearen menpe mantentzeko.

Sumisioaren aurrean, autonomia eta askatasuna proposatzen du, beti legeen kontra jotzen.

Gizaki guztien berdintasuna aldarricatu zuen, arraza, edo jatorria kontuan hartu gabe.

Hau oso gogorra izan zen momentu horretan, Grezia klasikoan grekoa ez zenak (barbaroak),ez baitzituen ezkubide berdinak.

Hedonista izan zen, beraz, plazera lortzeko bidea proposatu zuen: "gauzak edukitzeak, (aberastasuna), ez du alaitasuna ematen, libre, independiente eta jakinduriaren bidean bizitzen baizik".

Legearekin eta gizarteko arau etikoekin oso kritikoa izan den musika estiloa PUNK izan da.

Punk musika establishmentaren kontra jotzen du. Janzkera propio eta berezia du. Askatasunean eta kontsumismoaren kontrako etikan oinarritzen da.

Gaur ekarri dut THE CLASH taldea. 1976an Inglaterran jaio zen.

Monarkia, aristokrazia eta legeen kontra jo zituzten.

Abesti honetan I fought the law,"legearen kontra borrokatzen dute".

SEXO,LIBERTINAJE eta THE DOORS

Lucrecio Caro ( K.a 90-50).Roma.

 Filosofia materialista, atomista bat zabaldu zuen,

Platonen idealismoaren eta erlijio guztien  kontra.

Lucrecio-ren arabera, unibertsoa atomoz beteriko lekua da. Izaki guztiok atomoz osaturik gaude , ondorioz, arima ere, gorputza bezala, materiala da, beraz, hilkorra da.

Epikuro, ( filosofia hedonista), eta Demókrito,( filosofia atomista), ildo berean daude.

Bere ustez, musikari esker gizakiok plazer guztietara zabaltzen gara.

Sexoari dagokionez, sexualitatea fisikoa da,

maitasun- lokarrietatik askatu nahi du. Disfrutatzeko da, beraz ondorio txarrak ebitatu behar ditugu.

Filosofo libertinoa izan zen. Libertinajearen lehen bultzatzailea. 

Lucrecio-ren omenez, The Doors "Light my fire" abestia entzungo dugu.

The Doors 1965an, Los Angeles-en jaio zen. The Beatles edo Pink Floyd-ekin batera 1960 hamarkadako psikodelian ordezkari nagusiak bilakatu ziren.

"Vamos nena, enciende mi fuego,y trata de dar fuego a la noche.
 Nuestro amor se convertirá en una pira funeraria"

ARISTOTELES (esklabotza) eta BLUES-a

Aristoteles, (Estagira, K.a 384-322)

Alexandro Handiaren irakaslea izan zen.

Bere ustez,gizakia animalia politiko bat da. Hau da, soziala eta gizazalea.

Estatuaren hazia familian ikusten du. 

Baina, giza izaera dela-eta, Estatuko oinarrizko erakunde bat esklabotza da.

 

Aristotelesen ustez, esklabotza naturala da, eta gizakien arteko batzuk, izatez, esklabo jaiotzen dira.

ESKLABOTZA ez da inoiz desagertu, eta zoritxarrez, BLUESaren JATORRIA aurkitzeko  Virginiara bidaia egin behar dugu, 1619 urte inguruan. Alde hauek, Afrikatik ekarritako esklabuz betetako lurrak izan ziren.

Esklabuek kotoi eta tabako soroetan lan egiten zuten.

Merkantzia bezala erabiltzen zituzten.

Hala ere, ondo gorde zituzten ohiturak eta folklorea.

Erritmo erregularra zuen musika oinarri hartuta, esklabuek euren sentimenduak eta bizipenak islatzen zituzten.

Askatasun barik bizitzeak tristura handia sortzen zien.

"Blues"hitzak, hain zuzen, melankolia esan nahi du ingelesez.

Bluesman,and blueswoman asko egon dira eta badaude.

Gaur, JOHN LEE HOOKER (Mississipi, 1917-2001), entzungo dugu.

Besteen artean, gaur egun oso famatuak dira
BB. KING
GARY MOORE
MUDDY WATERS
ALBERT COLLINS
BUDDY GUY
JOANNA CONNOR

PLATON ETA PINK FLOYD: ABERASTASUNA. MONEY!!!!!!

Platon,(K.a 427-347).

 Grezia Klasikoaren filosofo hau,

Sokratesen ikasle eta Aristotelesen maisua izan zen.

ERREPUBLIKA liburuan Estatu justu bat eratzeko antolaketaz idatzi zuen.

Estatu honek hiru klaseak ditu:
Gailurrean gobernariak edo filosofoak , haien bertutea zuhurtasuna eta jakinduria da. Gero gudariak, ezaugarria adorea da hiriaren defentsarako, eta hirugarrena langileak..  
Gizaki bakoitzari zein klasea dagokion jakiteko, hautapenezko heziketa egongo da, zeinak bakoitzaren ahalmena zein den argituko baitu.

Estatu honetan ondasunak pilatzea  debekatuta dago.
Ez dago jabetza pribaturik.
 Horrela gainditzen dira aberasteko tentazioak. Gobernariak izateko ondazun guztiak Estatuari  eman behar dizkiote.
Honi komunismo platonikoa deitu diote.

Platonen ustez ,diruak gudak eragiten ditu  . Ideia honek  Marx-en teoriarekin bat egiten du.

Eta gure gizartean, diruak pisua dauka?

Gero eta gehiago, bai herriekiko politikan, bai gizabanakoaren bizitzan.

Diruaren boteraz abesten du PINK FLOYDek  abesti honetan:
Money ( azpitituluak)

Pink Floyd taldea Londresen jaio zen 1964an.

Musica hau, askotan, psikodelikoa da. Ikus-efektu liluragarriak eta baliabide tekniko txundigarriak (light-show) erabili zituzten.

Rock sinfoniko eta espazialera bilakaera izan zuen, lan batzuetan rock konbentzionalagoa agertzen bada ere.