EPIKURO ETA HERIOTZA: PINK FLOYD

Epikuro. Antzinako Greziako filosofoa ( Samos, K.a.341-Atenas,K.a 270)

Zeri buruz hausnartu zuen?

Zoriontasuna zerk sortarazten duenari buruz.

Horretarako aholkatzen digu praktikatzea gauza batzuk:

1.- Jainko-jainkosaen beldurra ez izatea. Haiek zorionekoak dira, eta ez dute inolako interesik gure bizitzan.

2.- Heriotzaren beldurra ez izatea. Bizirik gauden bitartean, ez dago, eta heriotza dagoenean, orduan ez gaude gu.

3.- Plazera lortzea.

4.- Sufrimendua ezabatzea

Bestalde, bizimoduan, adiskidetasuna zela ondasunen artean handiena zioen.

Heriotzari buruz:

" Heriotzak ez dauka gurekin harremanik; hain zuzen ere, gu bizi garen bitartean, ez baitago heriotzarik, eta heriotza iristen den unean, gu jadanik, ez gara bizi. Beraz, heriotzak ez du harremanik, ez bizidunekin, iritzi ez delako, ezta hildakoekin ere, jadanik ez direlako"

 Gaur ekarri dut PINK FLOYDen abesti bat.( Pink Floyd aurkeztu dut Platonen sarreran).

 " The great gig in the sky" abestian heriotzaz abesten dute.

Batzuk esaten dute "heriotzaren metafora dela abesti osoa".

"The Dark Side of the Moon" albumarena da . 1973 urtekoa.

Diskoa, rock sinfonikoa da, eta iraultza teknikoa izan zen.

Hitza eskasa da baina oso" epikureoa".

Idatzita daukazue hitza. Hala ere, ez galdu soinua, batez ere, emakumearen ahotsa.

Hitza:

No tengo miedo a morir.

En cualquier momento sucederá.

No me importa.

¿Por qué tendría que tenerle miedo a morir?

No hay razón para ello, te tienes que ir alguna vez.

Nunca dije que tuviera miedo a morir

PLATON ETA PINK FLOYD: ABERASTASUNA. MONEY!!!!!!

Platon,(K.a 427-347).

 Grezia Klasikoaren filosofo hau,

Sokratesen ikasle eta Aristotelesen maisua izan zen.

ERREPUBLIKA liburuan Estatu justu bat eratzeko antolaketaz idatzi zuen.

Estatu honek hiru klaseak ditu:
Gailurrean gobernariak edo filosofoak , haien bertutea zuhurtasuna eta jakinduria da. Gero gudariak, ezaugarria adorea da hiriaren defentsarako, eta hirugarrena langileak..  
Gizaki bakoitzari zein klasea dagokion jakiteko, hautapenezko heziketa egongo da, zeinak bakoitzaren ahalmena zein den argituko baitu.

Estatu honetan ondasunak pilatzea  debekatuta dago.
Ez dago jabetza pribaturik.
 Horrela gainditzen dira aberasteko tentazioak. Gobernariak izateko ondazun guztiak Estatuari  eman behar dizkiote.
Honi komunismo platonikoa deitu diote.

Platonen ustez ,diruak gudak eragiten ditu  . Ideia honek  Marx-en teoriarekin bat egiten du.

Eta gure gizartean, diruak pisua dauka?

Gero eta gehiago, bai herriekiko politikan, bai gizabanakoaren bizitzan.

Diruaren boteraz abesten du PINK FLOYDek  abesti honetan:
Money ( azpitituluak)

Pink Floyd taldea Londresen jaio zen 1964an.

Musica hau, askotan, psikodelikoa da. Ikus-efektu liluragarriak eta baliabide tekniko txundigarriak (light-show) erabili zituzten.

Rock sinfoniko eta espazialera bilakaera izan zuen, lan batzuetan rock konbentzionalagoa agertzen bada ere.

MARIA MONTESSORI:PEDAGOGIA LIBREA ETA THE WALL(PINK FLOYD)

Maria Montessori ( 1870-1952). Italiar pedagogo berritzailea.

Ingenieritza, biologia eta medikuntza ikasi zituen.

Emakume izateagatik ospitaleetan aritzeko baimena ukatu zioten, eta adimen urriko haurrekin hasi zen lanean. Hauen ahalmenak garatzea aukera ikusi zuen hezkuntzaren bidez.

Bere metodo pedagogikoaren arabera  haurraren berezko gaitasunak sustatu behar ditugu, inposizioak baztertzen.

 Jolas eta esku-lanen bidez haurren autoestimua bultzatzen zuen. Haurrek ikusten zutenean aurrera egin zezakeela eta gehiago ikasi, hitzen eta zenbakien kontzeptuak transmititzen zizkien.

Haurrek ikasteko askatasuna behar dute. Gehiegizko arauek haurra mugatu egiten dute, bere garapen aske eta aktiboa kolokan jartzen.

Horrela, orduko irakasle tradizionalaren zeregina aldatu behar direlakoan zegoen.

Irakasleak haur bakoitzaren bilakaera errespetatu behar du, inposiziorik gabe.

Bestalde,gobernu faszistari leporatu zion gazteak  moldatzea haien interesetara, "soldadu txikiak" bihurtzen.

Hau dela eta, Mussoliniko Italiatik joan behar izan zuen.

 Irakaskuntza autoritarioaren kontra jo zuen PINK FLOYD taldeak "THE WALL" albumenean  (1979)

Diskoaren muinean gizarte modernoak gizakiarengan eragiten duen alienazio gordina agertzen da.

"Another brick in the wall" abestian ozenki ohiukatzen dute:

"WE DON´T NEED NO EDUCATION.WE DON´T NEED NO THOUGHT CONTROL"

(Ez dugu heziketarik behar, ez dugu kontro-pentsamendurik behar")

Heziketa autoritarioen kontra jotzen dute, haien buruak kontrolatzen dituzten irakasleen kontra jotzen dute.

Oinarrizko ideia hau da:

Irakasleek ez dute "pertsona konformistak" hezitu behar, baizik eta "pertsona libreak, kriteriodunak"

Dudarik gabe, Montessori-rekin bat egiten dute.